Morata, Courtois dhe Willian do të mungojnë kundër Newcastle.
Trajneri i Chelseat, Antonio Conte, ka konfirmuar se për sfidën kundër Newcastle United në FA Cup të dielën nuk do t’i ketë në dispozicion Alvaro Moratan, Thibaut Courtoisin dhe Willianin, transmeton Gazeta Express.
“Morata dhe Courtois janë jashtë. Nuk e di (kohën e rikthimit të tyre). Është e vështirë të tregoj për këtë”.
“Morata e ka problemin e mëparshëm ndërsa Courtois mori një goditje në kyçin e këmbës. Willian gjithashtu është jashtë. Do të ketë një skanim për të parë shkallën e dëmtimit, por nuk mendoj se është diçka serioze”, shtoi ai.
“Cesc Fabregas është stërvitur të premten dhe nesër do të shikoj nëse është në gjendje të mirë fizike. Është lajm i mirë për ne”.
