Milot Rashica është bërë lojtar i dashur për tifozët e Besiktasit ende pa debutuar me ekipin Bardhezi.
Ata i kanë bërë pritje madhështore yllit kosovar sonte para ndeshjes që po e zhvillon ekipi nga Stambolli ndaj FK Neftchi, shkruan “Gazeta Express”.
Vushtrriasi zbriti në fushën e blertë për t’u përshëndetur me tifozët, të cilët e pritën atë si një hero.
Rashica sonte ishte vetëm spektator, ndërsa do të jetë në dispozicion të trajnerit që nga fundjava.
Ish-futbollisti i Vitesses dhe Werder Bremenit u largua nga Norwichi, i cili i përfitoi 5 milionë euro nga shitja e tij, ndonëse pritej që lojtari ofanziv do të përfundonte në Galatasaray.
Rashica ka nënshkruar kontratë katërvjeçare dhe do t’i përfitojë 2 milionë euro në vit.
