Ministri i Kulturës, Hajrulla Çeku, derisa ka folur për trashëgiminë kulturore, ka përmendur se vetëm këtë vit ka pasur disa raste të zjarrvënieve të qëllimshme.
Sipas tij, të paktën për 10 vjet, nuk ka pasur më shumë raste se këto 2 vitet e fundit.
Çeku tha se “përvoja 20 vjeçare në Kosovë e shkatërrimit të monumenteve ka qenë kryekëput e lidhur me ndërtime të reja, kryesisht me ndërtesa”.
“Sivjet janë disa raste, një në Ferizaj, Gjakovë, Mitrovicë e Gjilan. Besimi im është që këto janë shkeljet e fundit. 35 monumente janë në proces të restaurimit, dhe 34 në procedurë të inicimit”, u shpreh Çeku në DPT te Fidani.
