Politika e jashtme çeke po përballet me një ndryshim historik. Për herë të parë ndonjëherë, Praga do të dërgojë një ambasador me të drejta të plota në Kosovë.
Deri më tani këtë e ka penguar kundërshtimi “tandem” i dy ish-presidentëve, Vaclav Klaus dhe Milos Zeman.
Republika Çeke e njohu Kosovën në vitin 2008, kur vendi shpalli pavarësinë. Por ishte gjithmonë një çështje e ndjeshme, për shkak të mosmarrëveshjes me Serbinë dhe, si rrjedhojë, lidhjeve të saj të ngushta me Rusinë.
“Presidenti është i gatshëm ta ndërmarrë këtë hap”, u përgjigj Eva Hromadkova nga ekipi mediatik i presidentit, kur u pyet se nëse Petr Pavel, do të emërojë ndonjë ambasador në Kosovë, transmeton PrishtinaPress.
Të mërkurën, sipas informacioneve të mediumit çek Seznam Zpráv, qeveria diskutoi emrin e ri të diplomatit që do të bëhet ambasadori i parë ndonjëherë në Prishtinë./PrishtinaPress/
