Ministria e Jashtme e Çekisë ka njoftuar të mërkurën se diplomatët e saj janë kthyer në ambasadën në Kiev, për herë të parë që kur Rusia nisi pushtimin e Ukrainës, më 24 shkurt.
Ministria postoi një foto të tre diplomatëve duke ngritur flamurin çek përpara ndërtesës.
Në një deklaratë, ministria tha se ky ishte një nga hapat e shumtë që vendi po ndërmerr për të treguar mbështetjen për Ukrainën, raportoi BBC-ja.
Republika Çeke ka qenë një nga mbështetëset më të mëdha të Ukrainës që kur ka nisur lufta në këtë shtet.
