Njëri nga kandidatët për president të Serbisë, Nenad Çanak ka përsëritur se nëse del fitues në këtë kandidim, do të pranojë menjëherë pavarësinë e Kosovës.
“Askush në kampanja nuk pyet se sa kushton kjo që njerëzve në mënyrë masive u është shpërlarë truri, prandaj është tabu të pyesësh për Kosovën? Sepse, nëse Kosova ka kufi që nuk mund t’i kaloni pa pasaportë, nëse gjysma e shteteve në planet e kanë pranuar atë dhe nëse ajo ka gjyqësor dhe ekzekutiv të pavarur nga organet e Serbisë, le të më shpjegojë dikush se në bazë të çkaje, Kosova është më shumë pjesë e Serbisë, p.sh Kameruni?”, ka thënë Çanak.
Çanak ka ndërlidhur çështjen e Kosovës me arsyen e shëndosh.
“Veten po e sillni në pozitën sikur kur mjeku të jep diagnozën e gabuar, ndaj çdo terapi është e gabuar”, ka përfunduar Çanak.
