Një pije e shijshme për të freskuar ditët e nxehta. Komplet natyral dhe i përshtatshëm edhe për fëmijët.
Përbërësit:
1 kg pjeshka
2 pako të vogla çaj jeshil ose i zi
1 limon
2 litra ujë
Kuba akulli
Gjethe mëndre ose borziloku
Fruta të tjera sipas dëshirës për dekorim
Pergatitja:
Prisni pjeshkët në feta dhe vendosni të ziejnë në ujë derisa shikoni që fillojnë e shpërbehen. Lërini mënjanë të ftohen plotësisht.
Ngrohni dhe 1 filxhanë çaji me ujë dhe vendoseni në të 2 pakot e çajit të lëshojnë aromën e tyre. Kur të jenë gati hiqni dhe lërini të ftohen plotësisht.
Tani kulloni lëngun e pjeshkëve dhe bashkojeni me çajin në një kane, shtoni disa feta limon akoma disa feta pjeshke dhe lëreni në frigorifer të ftohen mirë.
Në momentin e shërbimit servireni me kuba akulli, fruta të tjera për dekorim dhe ndonjë flet mëndre ose borziloku.
