Presidentja Vjosa Osmani ka përuruar dje në Ambasadën e Kosovës në Shkup bustin e Nënë Terezës, bashkë me Presidentin e Maqedonisë së Veriut, Stevo Pendarovski dhe Presidentin e Shqipërisë, Bajram Begaj.
Osmani ka publikuar fotografi nga ceremonia, derisa ka thënë se Nënë Tereza është symbol i miqësisë ndërmjet popujve e shteteve.
“Bashkë me Presidentin e Maqedonisë së Veriut, Stevo Pendarovski dhe Presidentin e Republikës së Shqipërisë, Bajram Begaj, përuruam dje në Ambasadën e Kosovës në Shkup bustin e shenjtores sonë, Nënë Terezës, e cila është simbol i miqësisë ndërmjet popujve e shteteve.
Zemërgjerësia e saj tejkaloi fetë, kombet dhe statuset shoqërore, duke bashkuar njerëzit nën flamurin e dhembshurisë dhe humanizmit. Ky bust është simbol kujtese jo vetëm i jetës së Nënë Terezës, por edhe i vlerave që ajo mbrojti – mirësisë, përulësisë dhe dashurisë për njerëzit”, thuhet në njoftim.
Busti i Nënë Terezës përurohet në Ambasadën e Kosovës në Shkup, Osmani: Është simbol i miqësisë ndërmjet popujve e shteteve
![](https://usercontent.one/wp/www.prishtinapress.org/wp-content/uploads/2023/09/378288850_849959269821947_2830507298584594616_n-600x360-1.jpg?media=1722100323)