Lartësia e saksisë është gjithashtu e rëndësishme
Asnjë lule nuk lidhet me pranverën si një buqetë me tulipanë të freskët, thonë luleshitësit.
Ndonëse nuk kanë një erë karakteristike, ato duken shumë bukur dhe sjellin freski në çdo interier dhe për shkak të ngjyrave të ndryshme ngrenë humorin.
Zbukuroni hapësirën tuaj me një buqetë me këto lule dhe dëgjoni këshillat se si t’i bëni ato të qëndrojnë të freskëta më shumë, transmeton Telegrafi.
1. Zgjidhni sythat e tulipanëve
Kur blini tulipanë, zgjidhni ata lulet e të cilëve nuk janë të hapura. Është edhe më mirë nëse lulja nuk e ka marrë plotësisht ngjyrën, por është pak e gjelbër. Mos u shqetësoni, lulja do të hapet për pak ditë, dhe nëse e vendosni në saksi do të zgjasë edhe më shumë. Nëse tashmë keni tulipanë të lulëzuar, ata do të zgjasin vetëm një ose dy ditë.
2. Mos harroni ujin
Do të ishte mirë që t’i mbështillni kërcejtë me letër të zhytur në ujë të ftohtë menjëherë pasi t’i blini. Tulipanët nuk bëjnë dot pa ujë, janë të vetmet lule që rriten në ujë dhe duhet ndërruar çdo ditë.
3. Hiqni gjethet e rëna
Para se të vendosni tulipanët në vazo, prisni gjysmë centimetri nga çdo kërcell. Kjo i ndihmon lulet të pinë ujë më shpejt. Nëse gjethet bien në ujë, ato do të fillojnë të kalben dhe së shpejti do të “vrasin” tulipanët, ndaj hidhini menjëherë nga vazoja.
4. Zgjidhni vazon e duhur
Vazo duhet të jetë së paku gjysma e gjatësisë së kërcellit. Është akoma më mirë nëse vazoja është më e gjatë dhe i mban lulet drejt. Nëse vazo është shumë e vogël, tulipanët do të varen në buzë dhe do të thahen më shpejt.
5. Mbajini në një vend të ndriçuar
Mbajini tulipanët në një vend të ndriçuar. Ata nuk duhet të ekspozohen në rrezet e diellit direkte, sepse nuk tolerojnë shumë nxehtësi, dhe lulet mund të marrin njolla.
