Ministri shqiptar i Jashtëm i Maqedonisë së Veriut, Bujar Osmani, ka takuar Sekretarin amerikan të Shtetit, Anthony Blinken dhe Këshilltarin e Lartë të DASh’së, Derek Chollet.
“Në margjinat e Takimit Ministror të NATO-s, në Bruksel, një mundësi e mirë për një shkëmbim të shkurtër mendimesh me Sekretarin Amerikan të Shtetit, Entoni Blinken dhe Këshilltarin e Departamentit të Shtetit, Derek Sholle”, njoftoi Osmani.
Osmani njoftoi se gjithashtu me krerët e lartë të shtetit amerikan kanë biseduar edhe rreth Marrëveshjes Bazë për normalizim të marrëdhënieve ndërmjet Kosovës dhe Serbisë.
“Bashkëpunimi dhe aktivitetet në kuadër të Dialogut Strategjik, aktualiteti rajonal, mbështetja e marrëveshjes së arritur ndërmjet Kosovës dhe Serbisë, si dhe situata politike në vend, në fokus të bisedimeve”.
“SHBA me mbështetje të fortë për procesin e integrimit evropian të Maqedonisë së Veriut si qëllim strategjik dhe investim në stabilitetin rajonal në përgjithësi”, përfundoi Bujar Osmani.
