Deputeti dhe ish-zëvendëskryeministri i Shqipërisë, Erion Braçe, ka thënë se Presidenti i Serbisë, Aleksandër Vuçiq, e ka detyrim ligjor që të dorëzojë menjëherë “dy terroristët që ka strehuar në Spitalin e Novi Pazar”.
Braçe ka deklaruar se kudo në botë, kriminelët që vrasin policë, dorëzohen në vendin ku kryen krimin dhe nuk strehohen e mbrohen, raporton Express.
“VUÇIÇ ka per detyrim ligjor te dorezoje menjehere dy terroristet qe ka strehuar ne SPITALIN E NOVI PAZAR! Kudo ne bote kriminelet qe vrasin POLICE, dorezohen ne vendin ku kryen krimin, nuk strehoen, nuk mbrohen!”, ka shkruar Braçe në platformën “X”.
Ndryshe, Policia e Kosovës është sulmuar dje në orët e para të mëngjesit në Zveçan, ku është vrarë polici Afrim Bunajku.
