Shefi i diplomacisë evropiane, Josep Borell, tha se BE investon shumë para në Ballkanin Perëndimor dhe se nuk është e drejtë të thuhet se BE thjesht pretendon se dëshiron që vendet nga rajoni të bashkohen me BE.
“Ne duam të ndihmojmë vendet e Ballkanit Perëndimor të afrohen me ne, të bashkohen me sistemin e BE. Nuk është e vërtetë që ne thjesht pretendojmë se duam që vendet e Ballkanit Perëndimor të bashkohen me BE”, tha ai, duke folur në një konferencë në internet të Këshillit të Atlantikut.
Ai gjithashtu shtoi menjëherë: “Ata vende kanë një të ardhme në BE, por ato vende duhet të bëjnë detyrat e shtëpisë: të zbatojnë reformat, të përmbushin standardet që zbatohen për të gjithë anëtarët”, shkruan B92, transmeton IndeksOnline.
Ai tha se Rusia, Kina dhe Turqia janë gjithashtu të pranishme në Ballkan dhe se ata e paraqesin veten sikur interesohen më shumë për Ballkanin Perëndimor sesa Bashkimin Evropian.
“Por ne po vazhdojmë procesin e zgjerimit, hap pas hapi. Një regjim pa viza është një realitet, ndoshta jo për të gjitha vendet e Ballkanit Perëndimor. Ne kemi drejtuar dialogun midis Beogradit dhe Prishtinës në rrugën e duhur. BE po ndihmon Ballkanin shumë më tepër se të tjerët, por ne mund të mos jemi të mirë në propagandë “Nëntë miliardë euro është plani ynë ekonomik për Ballkanin Perëndimor,” theksoi Borell.
Ai thotë se blloku evropian po investon shumë më shumë para sesa Kina, Rusia dhe Turqia në Ballkan, por që ata mund të duhet të shpjegojnë më mirë se çfarë dhe pse po bëjnë.
“Ne po ndihmojmë, por ne po kërkojmë reforma. Të tjerët nuk po kërkojnë. Reformat që ne po kërkojmë nuk janë një modë, por u duhen atyre vendeve dhe njerëzve të tyre, të tilla si zhdukja e korrupsionit. Ashtë për të ardhur keq nëse disa njerëz mendoj se thjesht po pretendojmë. Nuk është e drejtë. “, vlerësoi ai.
Borell foli gjithashtu për sanksionet kundër Rusisë, marrëdhëniet me Kinën, marrëdhëniet midis Shteteve të Bashkuara dhe Iranit.
“Administrata e mëparshme e SHBA donte të fillonte një lloj lufte të ftohtë me Kinën. Ne jemi rivalë me Kinën dhe jemi shumë më afër Amerikës, por ky rivalitet nuk duhet të zgjasë përgjithmonë. Në të njëjtën kohë, ne jemi partnerë me Kinën në disa zona “, tha ai.
