Sekretari i Shtetit Antony Blinken ka njoftuar se zyrtarët amerikanë kanë qenë në kontakt të drejtpërdrejtë me grupin rebel sirian që udhëhoqi përmbysjen e presidentit Bashar al-Assad.
Blinken është zyrtari i parë amerikan që konfirmon publikisht kontaktet midis administratës Biden dhe Hayat Tahrir al-Sham, ose HTS, grupi ky që udhëhoqi forcat e armatosura që rrëzuan Assadin nga pushteti.
“Po, ne kemi qenë në kontakt me HTS dhe me palët e tjera”, tha Blinken, shkruan AP.
“Mesazhi ynë për popullin sirian është që ne duam që të kenë sukses dhe ne jemi ata që do t’i ndihmojmë të bëjnë këtë”, shtoi ai.
Bëhet e ditur se HTS, e cila dikur ishte një degë e Al-Kaedas, është projektuar si një organizatë e huaj terroriste nga Departamenti i Shtetit që nga viti 2018.
Ky emërim mbart me vete sanksione të rënda, duke përfshirë një ndalim për ofrimin e çdo “mbështetjeje materiale” për grupin ose anëtarët e saj.
Megjithatë, sanksionet nuk i ndalojnë ligjërisht zyrtarët amerikanë të komunikojnë me grupet e caktuara.
Në një intervistë në televizionin sirian, udhëheqësi i grupit Ahmad al-Sharaa, i njohur më parë si Abu Mohammed al-Golani, nuk adresoi asnjë kontakt të drejtpërdrejtë me SHBA-në, por tha se autoritetet e reja në Damask janë në kontakt me ambasadat perëndimore.
