Pas muajit të shenjtë të Ramazanit, gjatë ditës së sotme (e premte) besimtarët mysliman po festojnë Fitër Bajramin.
Manifestimi qendror për festën e Fitër Bajramit për Republikën e Kosovës u mbajt në Xhaminë e Madhe në Prishtinë, që nisi me faljen e namazit.
Ndërkohë, urimet për këtë festë erdhën nga emra të njohur shqiptarë të muzikës, filmit dhe artit në përgjithësi.
Edhe aktori i njohur shqiptar nga Maqedonia e Veriut, Blerim Destani ka uruar këtë festë duke publikuar një fotografi nga falja e namazit në xhami.
“Gëzuar Fitër Bajrami”, ka shkruar aktori që njihet si besimtarë i devotëshm i fesë islame.
Të shumta ishin komentet nga ana e miqve dhe fansave të tij që gjithashtu ia uruan festën aktorit.
Ndryshe, aktori mbetet i angazhuar në realizimin e roleve filmike, shumica prej të cilëve për tregun ndërkombëtar.
