Strategjia “blej një, merr një falas” është një taktikë e zgjuar marketingu për të ndihmuar në drejtimin e biznesit, por jo shpesh e shohim të aplikohet për vetura.
Madje, nuk është parë ndonjëherë të përdoret për vetura të një kalibri më të lartë.
Por, një tregtar në Florida aktualisht po ofron një Rolls-Royce Wraith falas për këdo që blen Bugatti Chiron që ka në inventar.
Oferta është bërë e ditur në Facebook nga Naples Motorsport, dhe duket si një marrëveshje mjaft interesante.
Chiron në fjalë i disponueshëm në një pamje me dy ngjyra, Granade dhe Glacier, thuhet të jetë në gjendje të shkëlqyer, andaj ai po shitet për 3.85 milionë dollarë.
Skenari më i mundshëm është se çmimi i Rolls tashmë është i përfshirë në shifrën e Bugattit.
