Bashkëkryetari i Këshillit Evropian për Marrëdhëniet me Jashtë, Carl Bildt, ka folur rreth situatës në veri, ku një numër i qytetarëve serbë u munduan që të pengonin kryetarët e zgjedhur të Zubin Potokut, Leposaviqi dhe Zveçanit, që të hynin në objektet komunale.
Ai tha se presidentit të Serbisë Aleksandar Vuçiq, i konvenon provokimi i tensioneve për të tërhequr vëmendjen nga zhvillimet e brendshme në Serbi.
“Është Vuçiq, i cili ka interes të provokojë tensione për të larguar vëmendjen nga më shumë çështje të brendshme në Serbi. Sido që të jetë prapavija, situata Serbi-Kosovë po përkeqësohet qartë – përsëri!”, ka shkruar Bildt.