Presidenti amerikan, Joe Biden, me disa liderë të tjerë botërorë kanë ndarë një video-mesazh në Samitin e Dytë të Demokracisë që është organizuar në Shtëpinë e Bardhë.
Ai ka thënë se kanë punuar të gjitha shtetet që të mundohen të ndalin luftën e Rusisë ndaj Ukrainës, me masa të ndryshme.
Pos kësaj, ai ka bërë thirrje që të shtohet demokracia në të gjitha shtetet e botës.
“Që nga Samiti ynë i parë, demokracia jonë është bashkuar për të përmbushur nevojat e popullit tonë dhe sfidat e kohës sonë. Sot ne po bashkohemi sërish sepse duhet të vazhdojmë të ndërtojmë, të vazhdojmë të ndërtojmë këtë përparim dhe të formësojmë të ardhmen që duam për të gjithë fëmijët tanë”, ka thënë Biden./PrishtinaPress/