SHBA pret të shohë disa nga qytetarët e saj të largohen nga Gaza përmes pikës kufitare Rafah në Egjipt sot, tha Joe Biden.
Presidenti amerikan, duke postuar në mediat sociale, tha se më shumë qytetarë amerikanë pritet të evakuohen nga Gaza gjatë ditëve në vijim. Ai shtoi:
“Sot, falë udhëheqjes amerikane, ne siguruam kalim të sigurt për palestinezët e plagosur dhe për shtetasit e huaj për të dalë nga Gaza. Ne presim që qytetarët amerikanë të dalin sot dhe presim të shohim më shumë largime gjatë ditëve në vijim. Ne nuk do të heqim dorë nga puna për të nxjerrë amerikanët nga Gaza,” tha ai.