Mediat serbe raportuan dje se drejtori i BIA-së serbe, Aleksandër Vulin ndodhet në Jerusalem.
Sipas mediumit serb, Vulin është duke qëndruar për pelegrinazh në Jerusalem.
Burimet e Nova.rs treguan me foto dëshmi se ai ndodhet në Kishën e Varrit të Shenjtë, i shoqëruar nga sigurimi i tij.
E vetëm një ditë pas këtij lajmi ka reaguar BIA serbe. Ajo është munduar ta arsyetojë vizitën e Vilinit, derisa e ka goditur median serbe qe e ka publikuar fotografinë e Vulin-it në Jerusalem.
Agjencia e Sigurisë dhe Informacionit njoftoi se drejtori i BIA-s, Aleksandar Vulin, ishte në një vizitë zyrtare njëditore të planifikuar më parë në shërbimin partner të Shtetit të Izraelit.
“Vizita, e shoqëruar nga nikoqiri, u zhvillua në Jerusalem dhe Tel Aviv”, thuhet në një deklaratë të BIA-s.
Agjencia e Sigurisë Informative thekson se “nuk i publikon aktivitetet e lidershipit të saj pavarësisht sic pretendojnë ata gënjeshtrave dhe nënshtrimeve të politikanëve apo mediave”, por se “për shkak të momentit kur po tentojnë të dëmtojnë Serbinë, BIA-n dhe drejtorin e BIA, janë të detyruar të reagojnë”.
“Për shkak të gënjeshtrave të disa mediave se drejtori i BIA-s, Alexander Vulin, është ‘me sa duket në një vizitë private në Jerusalem’, informojmë publikun se drejtori i BIA-s ishte në një vizitë zyrtare njëditore të planifikuar më parë në shërbimin partner të Shtetit. Izraeli. Vizita e shoqëruar nga nikoqiri u zhvillua në Jerusalem dhe Tel Aviv”, thuhet në njoftim.
Kujtojmë se Aleksandar Vulin është fotografuar në Jeruzalem, tre ditë pas incidentit të armatosur në Kosovë ku mbetën të vrarë një polic i Kosovës dhe tre serb që sulmuan policinë.
Fotot e siguruara nga portali Nova.rs zbulojnë se njeriu i parë i BIA-s ka qenë në Kishën e Varrit të Shenjtë, i shoqëruar nga sigurimi, ku ka shkuar për të adhuruar. /N1
