Zëvendës kryeministri në detyrë i Qeverisë së Kosovës po ashtu ministër i Punëve të Jashtme, Besnik Tahiri si dhe ministri në detyrë i Bujqësisë Besian Mustafa kanë kërkuar nga zyra e kryeministrit Avdullah Hoti që të lirohen nga pozitat e tyre, kjo për shkak se do të japin betimin për mandatin e deputetit në legjislaturën e VIII-të, në Kuvendin e Kosovës.
Këtë e konfirmoi për Telegrafin zëdhënësja e Qeverisë së Kosovës, Antigona Baxhaku.
Sipas saj, ministrat në detyrë të cilët nuk kanë kërkuar lirimin nga detyra do të vazhdojnë ushtrimin e detyrës deri në zgjedhjen e qeverisë së re.
“Deri më tani kanë kërkuar lirim nga detyra Besnik Tahiri dhe Besian Mehmeti, të tjerët vazhdojnë udhëheqjen me pozitat e tyre. Afati për betimin e deputetit është deri në gjashtë muaj”, ka thënë Baxhaku.
