Nënkryetari i Lëvizjes Vetëvendosje, Besnik Bislimi, ka folur për ofertat para dhe pas zgjedhjes së Glauk Konjufcës kryetar i Kuvendit të Kosovës.
Bislimi tha se ofertat para 26 dhjetorit nuk mund të jenë të njëjta me ofertat pas kësaj date, sepse sipas tij më parë bëhej fjalë për pozitën e kryetarit të Kuvendit, e tash bëhet fjalë për Glauk Konjufcën.
“Para 26 dhjetorit bëhej fjalë për pozitën e kryetarit të kuvendit, e tash bëhet fjalë për Glauk Konjufcën”, është shprehur Bislimi në Pressing.
Ai gjithashtu tha se më mirë është një marrëveshje e mirë se sa një marrëveshje e shpejtë.
“Më mirë është një marrëveshje e mirë se sa e shpejtë”, ka thënë Bislimi.
Sipas tij nuk do të ishte në rregull që dy liderët, si dy “diktator” të nisnin lëvizje të tilla duke e larguar Konjufcën.
“Meqenëse kemi mbërri këtu ku s’kemi dëshiruar, pas gjithë përpjekjeve që të bëjmë marrëveshje për kryeparlamentar e s’kemi arritur e u votua me votat e deputetëve e s’do të ishte mirë që dy persona të ulen e të shkarkojnë një person që ka marrë votat, do të ishte e dëmshme të bëjmë shkelje, një tërheqje. Po ulen dy përfaqësues, kryetarë partish për të shkarkuar një person të votuar”, ka thënë Aliu në Rubikon të KTV-së.
“Andaj po bëjmë propozim të dëmshëm. Po marrim vet përgjegjësinë, po e rrisim numrin e ministrive në 14. Më e rëndë është çështja e kthimit të votës së deputetëve sesa ndryshimi i atij vendimit për 12 ministri”.
Pas këtyre deklaratave ka reaguar Abdixhiku i LDK-së.
Abdixhiku, në “Debat Plus” me Ermal Pandurin në RTV Dukagjini, ka thënë se ditën kur është zgjedhur Glauk Konjufca kryetar i parlamentit Vetëvendosje i shkaktoi një plagë të madhe besueshmërisë së LDK-së.
Ai thotë se deputetët e PDK-së e dinin para tyre se Vetëvendosje do të propozonte Glauk Konjufcën për kryetar të Kuvendit.
Deputeti i Lidhjes Demokratike të Kosovës (LDK) thotë se Vetëvendosje kur vendosi të ecë njëanshëm nuk e ka pasur më LDK-në në krahë.
“Ne kemi humbur shumë në entuziazmin publik që duhet të ishin 100 ditët e para të një qeverie të shpresës”.
Abdixhiku ka thënë se refuzimi i Vetëvendosjes ndaj ofertës së LDK-së do të ishte një humbje e madhe e mundësisë për të bashkëpunuar.
“Vetëvendosje nëse e refuzon këtë ofertë jo vetëm që do të humb mundësinë e kryeministrit por e humb edhe një partnerë që një kohë të gjatë e kanë ndërtuar gjatë kohës së qëndrimit në opozitë”, tha ndër tjera Lumir Abdixhiku.