Ish-Kryeministri Sali Berisha ka reaguar për arrestimin e kreut të AAK-së Ramush Haradinaj ditën e djeshme nga autoritetet franceze.
Përmes një statusi në Facebook, Berisha u është bashkuar reagimeve të politikës shqiptare kundër arrestimit të Haradinaj, duke e cilësuar atë antishqiptar.
Sipas Berishës, ky arrestim i kërkuar nga xhelatët e Beogradit, duhet dënuar ashpër ndërsa u bën thirrje autoriteteve franceze most ë bien pre e kurtheve serbe që synojnë vetëm destabilizimin e rajonit.
Po ashtu Berisha kërkon nga BE që jo vetëm reagojë për këtë arrestim, por edhe të dënojë këtë ndalim të Haradinajt.
Postimi në Facebook i Berishës:
Nje urdher arresti per Ramush Haradinajn, fund e krye politik dhe antishqiptar i xhelateve te Beogradit!
Te dashur miq, dje autoritetet policore franceze ndaluan mbi bazen e nje urdher arresti politikisht te motivuar te xhelateve te Beogradit, ish kryeminstrin e Kosoves dhe kryetarin e AAK, komandantin dhe heroin e luftes çlirimtare te Kosoves, zotin Ramush Haradinaj.
Duke denuar me ashpersine me te madhe kete mandat hakmarres primitiv te qarqeve raciste dhe albanofobe te Beogradit, u bej thirrje autoriteteve franceze te mos bien ne kurthet bizantine serbe qe punojne vetem per destabilizimin e rajonit, por te lirojne menjehere zotin Ramush Haradinaj pasi te gjitha akuzat e stisura te Beogradit jane hedhur poshte si fund e krye te pa verteta nga Gjykata Nderkombetare e Hages.
Une gjithashtu i bej thirrje BE te nderhyje menjehere dhe te denoje kete qendrim destabilizues te Beogradit ne rajon! sb
