Ish-komandanti i UÇK-së, Zafir Berisha, ka deklaruar se fenomeni “Faton Hajrizi” është rezultat i pasojave të luftës.
Ai ka kritikuar institucionet vendore dhe ndërkombëtare që nuk janë marrë asnjëherë seriozisht me pasojat e luftës në Kosovë.
Në profilin e tij në “Facebook”, Berisha ka shkruar se ka raste të shumta që kanë pasur nevojë për trajtim.
“Fenomeni “Faton Hajrizi” eshte rrezultat i pasojave te luftes me te cilen shoqeria jone nuk eshte marruar asnjeher seriozisht ose e ka injoru. Qindra per mos me then mijera raste kane ndodhur pas luftes, ndoshta jo te permasave te Fatonit, e qe shoqeria jone nuk i ka analizu ose i ka trajtu si aksidentale, por qe nuk fakte kane nje origjinen si pasoj e asaj qe ka ndodhur gjate viteve 1998/99”, ka shkruar ai.
Ai ka treguar se për këto pasoja një mik i tij kanadez e kishte paralajmërua qysh në vitin 2021.
“Nje mike kanadez nga provoja vete qe kishte ne vende ku ka pasur luftera e qe ishte me mision pas luftese ne Kosove, me 2001 me pate then, pasojat e luftes do ti vuani pas disa viteve… dhe vertet ashtu po ndodhe! Qindra ish luftetar te UÇK-se, por edhe qytetare kane ber vetevrasje dhe askush nuk e ka trajtu kete fenomen, pse po ndodhen!?”, ka shkruar Berisha.
