Beqiri: Nuk kemi bërë trysni ndaj deputetëve

Shefi i Grupit parlamentar të Lidhjes Demokratike të Kosovës, Ismet Beqiri tha se nuk ka nënshkrime të mjaftueshme për mbajtjen e një seance të jashtëzakonshme për vdekjen e Astrit Deharit, por sipas tij, LDK nuk iu ka bërë presion deputetëve të tyre për mos ta nënshkruar mbajtjen e kësaj seance.
Beqiri tha se diskutimi në Kuvend për vdekjen e Astritit duhet të bëhet pas rezultatit të autopsisë dhe duhet të dihet e vërteta se në bazë të çfarë rezultatesh të flasin.
“Duhet të dalin rezultatet dhe të dihet e vërteta. Nuk ka pas trysni dhe nuk është mirë me manipulu”, tha Beqiri.