Kryetari i Komunës së Skenderajt, Bekim Jashari, i ka dalë në mbrojtje nënkryetarit të tij, gjeneralit Nuredin Lushtaku, i cili dje në një shkrim në Facebook ka kërkuar ta di të vërtetën se pse është përfshirë në aktakuzën për “veteranët mashtrues”.
Jashari në shkrimin e tij në rrjetin social ka thënë se beson në sinqeritetin, drejtësinë dhe korrektësinë e Nuredin Lushtakut.
“Gjeneral Nuredin Lushtaku, Unë besoj në sinqeritetin, drejtësinë dhe korrektësinë tënde!
Po ashtu, shpresoj që shumë shpejt do të dalë e vërteta në shesh”, ka shkruar Jashari.
Dje, Nuredin Lushtaku, përmes një letre publike u është drejtuar Presidentit Hashim Thaçi dhe disa prokurorëve, nga të cilët ka kërkuar shpjegim pse është ngritur aktakuzë ndaj tij për rastin e ‘veteranëve të rrejshëm’.
