Deputeti i Kuvendit nga radhët e AAK-së, Bekë Berisha, ka komentuar, siç ka thënë ai, “dakordimin në mes Vetëvendosjes dhe Listës Serbe për veteranët”.
Berisha përmes një reagimi në llogarinë e tij në Facebook, ka thënë se ky koordinim është bërë për t’i lënë jashtë ligjit veteranët e UÇK-së.
“Lëvizja Vetëvendosje dhe Lista Serbe dakordohen për t’i lënë jashtë Ligjit veteranët e luftës së UÇK-së”, ka shkruar Berisha.
“Goxha fort i kemi pasë thy dhëmbët tu i mbrojtë veteranët. Boll shumë e kishit pasë votu Jugosllavinë. Anakronike, mashtrim apo realitet i hidhur…”, shtoi ai.