Bashkimi Europian ka miratuar një paketë të katërt sanksionesh kundër Rusisë, si përgjigje për pushtimin e Ukrainës. Nga sanksionet e fundit janë goditur 160 oligarkë dhe politikanë rusë e banka bjelloruse.
“Po e ngushtojmë edhe më tepër lakun e sanksioneve në përgjigje të agresionit ushtarak të Rusisë kundër Ukrainës”, tha Presidentja e Komisionit Europian, Ursula von der Leyen në Twitter.
Sipas saj lista sanksioneve përfshin edhe ndalimin e eksportimit të teknologjisë për lundrim detar në Rusi dhe ngrirjen e aseteve në kriptovalutë.
Sipas presidencës franceze të Këshillit Europian, në këtë listë janë futur familjarë të oligarkëve dhe politikanëve të përfshirë në pushtimin e Ukrainës.