Mosefikasiteti, mungesa e llogaridhënies dhe jotransparenca në sistemin e drejtësisë vazhdojnë të mbesin sfidë për Kosovën, sipas zyrtarëve të Zyrës së Bashkimit Evropian, ambasadorëve të shteteve të BE-së në Kosovë, si dhe të vetë drejtuesve të këtij sektori në Kosovë
Ky konstatim është thënë të premten gjatë konferencës për lansimin e projektit të binjakëzimit, me temën “Fuqizimi i efikasitetit, i llogaridhënies dhe i transparencës në sistemin gjyqësor dhe prokurorial”.
Shefja e Zyrës së Bashkimit Evropian, Natalia Apostolova, ka thënë se sistemi efikas i drejtësisë është tejet i rëndësishëm në rrugën e Kosovës drejt BE-së. Siç ka thënë ajo, luan rol kyç për krijimin e një mjedisi të favorshëm për investime, si dhe paraqet hap të rëndësishëm për zhvillim ekonomik.
