Presidenti i Serbisë, Aleksandar Vuçiq, u takua sot me Përfaqësuesin e Lartë të Bashkimit Evropian për Punë të Jashtme dhe Politikë të Sigurisë, Josep Borrell, ku u konfirmua vazhdimi i dialogut Kosovë-Serbi më 11 maj. Në këtë datë Borrell tha se pritet të takohen kryeministri i Kosovës, Albin Kurti dhe presidenti i Serbisë, Aleksandar Vuçiq.
“Do të kemi një takim me kryeministrin e ri të Kosovës. Nuk është në fakt i ri, pasi ishte kryeministër kur filluam. Shpresoj të kemi një rund të radhës të dialogut në datën 11 maj. Nuk kam asgjë për të ofruar, vetëm dua të shpjegojë se sa e rëndësishme është të vazhdohet ky dialog”, tha Borrell.
Vuçiq pas takimit me Borrell deklaroi se Serbia po përpiqet të zbatojë gjithçka për të cilën u dakordua në marrëveshjet e Brukselit dhe Washingtonit, si dhe shtoi se shpreson që pala shqiptare të merret me ato çështje.
“Ne do të shohim se si do të sillet pala tjetër”, tha Vuçiq dhe kujtoi se marrëveshja u arrit, ndër tjerash, që të pezullohet fushata për tërheqjen e njohjes së Kosovës nga vendet e tjera.
Siç theksoi ai, ai shpreson se do të ketë përparim në negociatat me Kosovën, pasi që kjo tha se është e rëndësishme për shkak të njerëzve, por edhe për shkak të atmosferës në rajon.
Borrell në anën tjetër tha se një nga temat e takimit, si gjithmonë, ishte dialogu dhe vlerësoi Beogradin për angazhimin për ta vazhduar atë.
“Ne biseduam për dialogun. E vlerësoj që presidenti Vuçiq është i përkushtuar në dialog dhe unë jap mbështetjen e plotë për të arritur një zgjidhje dhe marrëveshje të pranueshme ligjërisht midis Serbisë dhe Kosovës”, tha Borrell.
Vazhdimi i dialogut ka shumë të ngjarë të mbahet më 11 maj, siç njoftoi Borrell në konferencën për shtyp.