Bashkimi Evropian në Kosovë e ka mirëpritur vendimin e Qeverisë së Kosovës për ndalimin e përdorimit të disa qeseve të plastikës.
Ata u shprehën të emocionuar për këtë vendim teksa thanë se në bashkëpunim edhe me Gjermaninë kanë shpalosur ndryshimet në politikat mjedisore të Kosovës.
“Jemi krenarë që prezantojmë një akt të ri ligjor për “Paketimet dhe Mbetjet e Paketimit”, në përputhje me legjislacionin e BE-së dhe Axhendën e Gjelbër. Kjo shënon një hap më afër drejt një të ardhmeje më të qëndrueshme për Kosovën”, thuhet në reagimin e tyre.
Reagimi i plotë:
Lajm emocionues në Frontin Mjedisor të Kosovës! Sot, Ministria e Mjedisit dhe Planifikimit Hapësinor, së bashku me BE-në dhe Gjermaninë, shpalosën ndryshimet në politikat mjedisore të Kosovës. ????
Jemi krenarë që prezantojmë një akt të ri ligjor për “Paketimet dhe Mbetjet e Paketimit”, në përputhje me legjislacionin e BE-së dhe Axhendën e Gjelbër. Kjo shënon një hap më afër drejt një të ardhmeje më të qëndrueshme për Kosovën.
Krahas kësaj, ne nisëm fushatën “Reduktimi i qeseve plastike”, e mundësuar me mbështetjen e BE-së dhe Qeverisë Gjermane. Së bashku, ne po luftojmë mbetjet plastike dhe po promovojmë praktika miqësore me mjedisin.
Qëndroni të sintonizuar për më shumë përditësime ndërsa punojmë drejt një Kosove më të pastër, më të gjelbër dhe më të qëndrueshme!
