Deputeti i Lëvizjes Vetëvendosje, Dimal Basha ka reaguar rreth protestës së thirrur për nesër, në kundërshtim të mbylljes së mediumit Klan Kosova, duke thënë se kjo protestë veç me liri t’shprehjes nuk ka të bëjë.
Aj tutje ka thënë se a pranoni me dal në protestë pa e ditë kush është pronarë.
“Janë dy çështje që duhet m’i mendu para se të dilni. E para, a pranoni me dal në protestë pa e ditë kush është pronari? A pranoni me protestu për një pronar që në Maqedoni është i regjistrum si investim i Serbisë, apo hiç s’po doni me ditë kush e si paguhen? A ish dashtë me pas hulumtim apo debat nga gazetarët rreth këtyre pronarëve që e paraqesin qytetin e Kosovës si Serbi, apo hiç s’po ju bën përshtypje as kjo? A pranoni me dal nëse e dini që pronari është komplet fiktiv, pra mashtrim i pastër ndaj shtetit. Me ndodh ky debat e këto hulumtime, edhe unë e kisha rimendu pozicionimin, mirëpo nëse s’ka ndodh kjo, atëherë pse keni me dal nesër?!” – ka shkruar Basha.
Ai tutje ka thënë se pronarë nuk është Kushtrim Gojani, por Klan Kosova është e Devollëve, dhe tutje ka shkruar se atëherë protesta mbahet në mbrojtje të Devollëve.
“Nëse e para s’ka ndodh, atëherë po mbetet ky sekreti publik që ju po e dini se pronar NUK është Kushtrim Gojani, por Klan Kosova është e Devollëve! Pra po jeni OK që e kanë mashtru shtetin, dhe po e kaloni edhë këtë! Pra po i besoni Devollëve më shumë se shtetit?! Atëherë nëse po e dini që është e Devollëve, a po i bje që nesër protesta mbahet në mbrojtje të Devollëve, sepse regjistrimi ka problem me manipulimin që i është bë shtetit nga të ashtuquajtur pronarë, s’ka asnjë lidhje me lirinë e shprehjes, pra përmbajtjen apo punën e gazetarëve.” – ka shkruar Basha.
Në fund Basha ka hedhur konspiracione se ka informacion se është duke iu bërë presion gazetarëve që punojnë në media për të dal nesër në protestë.
“Prandaj, kjo protestë veç me liri t’shprehjes nuk ka të bëj, dhe kam informacione se po iu bëhet presion gazetarëve që punojnë për shtëpi mediale me dal nesër patjetër! E dhimbshme që për një pagë i detyroni gazetarët me dal pa dëshirën e tyre. Kaq për liritë që ju i respektoni.” – ka përfunduar ai.