Verën e kaluar, Lionel Messi lëshoi një bombë, ku kërkonte largimin nga klubi pas shumë vitesh.
Pas një sezoni të dobët me Barcelonën, gjashtë herë fituesi i Topit të Artë deklaroi se ai dëshironte të largohej.
Por pas disa ditësh argjentinasi u tërhoq, pasi nuk mund të largohej pa lejen e klubit.
Sidoqoftë, ditët e fundit, raportimet kanë qenë në favor të klubit, ku duket se Messi do të nënshkruajë një marrëveshje të re me Barcelonën.
Sipas Times një marrëveshje e re 10-vjeçare për argjentinasin është diskutuar nga klubi pas bisedimeve pozitive midis presidentit Joan Laporta dhe babait të Messit.
Një marrëveshje fitimprurëse që do ta shihte 33-vjeçarin të qëndronte me Barcelonën për një periudhë afatshkurtër, para se të kalonte në Amerikë për t’i dhënë fund karrierës së tij të luajtur.
Gjatë kohës sa është në MLS, Messi gjithashtu do të vazhdonte të kishte një rol ambasadori për Barcelona.
Pasi ta mbyllte karrierën, marrëveshja aktuale e propozuar nga hierarkia e Barcelonës do ta shihte Messin të kthehej në “Camp Nou” si një ekzekutiv i klubit.
Raporti gjithashtu shkruan se Messi është i etur për të fituar Ligën e Kampionëve përsëri me Blaugranat dhe do të ishte i gatshëm të ulte pagën, nëse financohet ardhja e një superylli.
