Barcelona është duke konsideruar një numër të opsione për ta zëvendësuar Xavi Hernandezin dhe Antonio Conte ndodhet në atë listë.
Ish mesfushori katalunas njoftoi papritur vendimin për t’u larguar në fundin e sezonit, duke e detyruar klubin që të nisë menjëherë kërkimet për pasuesin.
Raportimet e fundit thonë se trajneri Antonio Conte është ndër të preferuarit e skuadrës spanjolle, e sidomos pasi tekniku italian është agjent i lirë që kur u largua nga Tottenhami në vitin e kaluar.
Conte në fakt ishte i lidhur me kalimin te Napoli pas shkarkimit të Rudi Garcias por zgjodhi të pushojë së paku deri në verë.
Sipas “Sport”, Barcelona po e konsideron seriozisht Conten pavarësisht që tekniku italian nuk i përshtatet stilit dhe filozofisë së lojës të lojtarit.
Në listën e Barcelonës ndodhen edhe Thiago Motta, Jurgen Klopp si dhe Hansi Flick, me këtë të fundit që tashmë ka nisur ta mësojë gjuhën spanjolle.
Ndërkohë, Barcelona është e fokusuar që të bëjë ndonjë mrekulli në Ligën e Kampionëve, ose në La Liga nëse Real Madrid bën gabime të vazhdueshme.
