Ballkani ka publikuar formacionin zyrtar kundër CFR Cluj, me të cilin ekip luan sonte ndeshjen e parë në Ligën e Konferencës
Ballkani ka publikuar formacionin që do të mbetet në histori, pasi që është formacioni i parë i një skuadre që arrin të kualifikohet në grupe të Ligës së Konferencës.
Ilir Daja sonte ka startuar nga minuta e parë me Frashërin si portier kurse në mbrojtje të rreshtuar janë katërshja: Armend Thaçi, Dellova, Jashanica dhe Astrit Thaçi.
Mesfusha e Ballkanit përbëhet nga treshja Korenica, Zyba dhe Emerllahu ndërkaq në sulm Daja ka startuar me Gripshin, Rrahmanin dhe Krasniqin.
Rreshtimi i strategut shqiptar është 4-3-3, pra një formacion tepër ofensivë që tregon së Ballkani e kërkon fitoren në këtë ndeshje.
Edhe CFR Cluj, skuadër rumune kjo shtet që nuk e njeh Kosovën, ka startuar me formacion 4-3-3, ku Ballkani duhet të këtë kujdes nga treshja sulmuese Roger, Yeboah dhe Deac. /GazetaExpress/
Formacionet zyrtare:
Ballkani – CFR Cluj
Ndeshja fillon në ora 18:45 në stadiumin Fadil Vokrri në Prishtinë.