Deputetja e Lidhjes Demokratike të Kosovës, Hykmete Bajrami, e ka akuzuar qeverinë sërish për korrupsion me kontrata njëburimore.
“Vazhdon korrupsioni me kontrata njëburimore”, ka shkruar Bajrami në Facebook.
“Sot, me 3 qershor, 2024 sipas Komisionit Rregullativ të Prokurimit Publik, Korporata Energjetike e Kosovës ka nënshkruar kontratën e 16-të njëburimore/pa publikim të njoftimit për kontratë me të njëjtën kompani. Pra negocim direkt 16 herë me kompaninë e njëjtë”,
“Derisa të premten me po të njëjtën kompani është nënshkruar kontratë në vlerë 448, 251.13 Euro, sot kontrata tjetër që u publikua nga KRPP-ja është në vlerë prej 443.638,00”.
“Dmth. për dy muaj (qershor-korrik) shërbime të sigurimit një kompani me kontratë njëburimore merr afër 900 mijë euro”.
Bajrami e ka quajtur këtë korrupsion serioz nga ana e qeverisë dhe ka kërkuar nga kryeministri Albin Kurit dhe ministrja e Ekonomisë, Artane Rizvanolli, që të deklarohen për këto kontrata.
