Vajza Jakup Krasniqit, Gresa Krasniqi, përmes një postimi në Facebook ka folur për takimin e fundit që ka pasur me të atin, në Hagë
Gresa ka përshkruar takimin me të atin, për të cilin thotë se ndien mall e krenari çdo ditë.
“Në vizitën tonë të fundit në Hagë, babi sapo kishte përfunduar shëtitjen dhe erdhi në dhomën ku takohemi çdo herë. Duart ende i kishte të ftohta, por perqafimet i ka të ngrohta gjithmonë. Sa shumë mall e krenari ndjejm per ty çdo ditë!”, ka shkruar ajo.
Ndryshe, ish-zëdhënësi i Ushtrisë Çlirimtare të Kosovës, Jakup Krasniqi, është arrestuar më 4 nëntor të vitit 2020, pasi i ishte konfirmuar aktakuza për krime lufte. Ai po qëndron në paraburgim, në objektin e Dhomave të Specializuara në Hagë.