Është urdhëruar dalja në vendin e ngjarjes në rastin ku Emir e Enver Sylka, babë e bir po akuzohet për vrasje të rëndë dhe armëmbajtje pa leje.
Këtë urdhër e ka lëshuar Gjykata Themelore në Gjakovës, ku propozimi për daljen në vend të ngjarjes e ka bërë të premten mbrojtësi i të akuzuarit Emir Sylka, avokati Ndrecë Dodaj.
Më pas kreu i trupit gjykues, Sulltan Dobraj ka aprovuar këtë propozim.
Avokati Dodaj pati edhe propozime të tjera, dëgjimin e hoxhallarëve N.A dhe SH.S në cilësinë e dëshmitarëve, të cilët kanë qenë si ndërmjetësues rreth pronës kontestuese si dhe dëgjimin e CD, ku dëgjohet biseda në atë takim, pasi e njëjta ishte incizuar, raporton Betimi për Drejtësi.
I njëjti propozoi edhe dërgimin e të pandehurit Emir Sylka, që të bëhet ekzaminimi psikiatrik për tu përcaktuar gjendja mendore, momentin kur është goditur me shkop nga tani i ndjeri N.V. dhe momentin kur ka shtënë me armë.
