Një ngjarje e rëndë raportohet të ketë ndodhur në Lushnjë. Babai ka plagosur vajzën e tij me armë gjahu pas një konflikti të çastit , e pastaj ka mbytur edhe vetën.
Sipas Policisë së Shtetit, vajza ndodhet në Spitalin e Lushnjës duke marr trajtim dhe është në gjendje të rëndë.
“Rreth orës 15:15, në lagjen “18 Tetori”, Lushnjë, shtetasi rreth 82 vjeç, dyshohet se pas një konflikti të çastit, ka plagosur me armë gjahu të cilën e dispononte me leje, vajzën e tij, shtetasen rreth 40 vjeçe, dhe më pas dyshohet se ka vrarë veten. Shtetasja, ndodhet në spitalin e Lushnjës, në kujdesin e mjekëve, në gjendje të rëndë shëndetësore”, thuhet në njoftimin e policisë.
Grupi hetimor vijon punën për sqarimin e rrethanave, dhe dokumentimin e plotë ligjor të këtij rasti.
