Babai i mesfushorit argjentinas, Alexis Mac Allister, ka thënë se ai do të largohet nga Brighton këtë verë.
Këtë javë, fituesi i Kupës së Botës me Argjentinës është lidhur me Manchester United, Liverpool dhe Chelsea.
Babai Mac Allister, Carlos, një ish-reprezentues i Argjentinës, ka folur për të ardhmen e yllit argjentinas dhe ka konfirmuar largimin e tij nga Brightoni.
“Normalisht, afati i ardhshëm i transferimit do ta gjejë atë duke luajtur për një klub tjetër”, ka thënë fillimisht Carlos për Bolavip.
“Nuk e dimë se cilin, sapo po fillojmë bisedimet në përgjithësi, por ka shumë të ngjarë që Alexis të luajë për një ekip tjetër korrikun e ardhshëm”.
“Me siguri Alexis do të kthehet për të luajtur në Boca në një moment. Sot ai sapo po fillon karrierën e tij në Evropë, por në rrugën e kthimit dhe kur të vendosë të rikthehet në Argjentinë, ai me siguri do të dëshirojë të luajë në Boca – edhe nëse është për një kohë”, përfundoi babai i Mac Allister.
