Cesar Azpilicueta është tejet i lumtur me interesimin e Barcelonës, por thotë se nuk dëshiron të largohet nga “Stamford Bridge”
Barcelona vazhdon të kërkojë një zëvendësues për Dani Alves, i cili u largua verën që lamë pas në drejtim të Juventusit.
Në mesin e shumë lojtarëve, edhe Cesar Azpilicueta është në radarin e Barcelonës.
Por, mbrojtësi spanjoll thotë se nuk e ka ndërmend të largohet nga Chelsea, pavarësisht se ndihet i privilegjuar me interesimin e katalanasve.
“E vërteta është se jam duke menduar vetëm për Chelsean, ndihem i dashur këtu”, tha fillimisht ai për “The Guardian”.
“Kam qenë këtu për pesë vite dhe para pak kohësh kam vazhduar edhe kontratën. Natyrisht është diçka e mrekullueshme të lidhesh me Barcelonën, do të thotë se po luan mirë, por unë jam i lumtur këtu”, shtoi më tej Azpilicueta për “The Guardian”.
