Avokati i Dragisha Milenkoviqit, Dejan Vasiq, ka thënë se do ta thërrasin kryeministrin Albin Kurtin për të dëshmuar për klientin e tij.
Milenkoviqi nga Kishnica dyshohet për krime lufte kundër popullatës civile në Kosovë në vitet 1998-99.
Kështu që Vasiq, ka kërkuar që Kurti të jetë dëshmitar mbrojtës, meqë ka qenë bashkë me të në qeli në atë periudhë, shkruan Danas.
“Sot prokurori special që vepron në Prishtinë e ka dëgjuar Dragisha Milenkoviqin si të pandehur dhe me këtë rast në bashkëpunim, që nga fillimi, më duhet të them se ka qenë i jashtëzakonshëm me prokurorin që vepron në këtë rast, jemi marrë vesh, gjegjësisht jemi koordinuar. dëgjimi i dëshmitarit special të mbrojtjes, kryeministrit aktual të Kosovës të z.Albin Kurti, i cili ishte paraburgosur në kohën kur i dyshuari Dragisha ishte duke punuar në burgun e qarkut në Prishtinë”, është shprehur Vasiq.
“Nga ana e tij, ai duhet të thotë dy fjalë për besueshmërinë e të dyshuarit dhe sjelljen e tij ndaj kryeministrit aktual dhe i paraburgosuri i atëhershëm Albin Kurti, të cilit i ka bërë shoqëri gjatë qëndrimit në qeli, i ka sjellë libra për të lexuar, ka kaluar shumë kohë duke biseduar”, tha Vasiq.
Avokati pret mbështetjen e prokurorisë speciale lidhur me këtë propozim dhe bashkëpunimin e mirë të kryeministrit të Kosovës, Albin Kurti, të cilit nesër përmes zyrës së Qeverisë së Kosovës do t’i dërgojë kërkesë për këtë dëshmi, dhe që në këtë dyshimi se Milenkoviq nuk ka bërë asgjë të keqe gjatë punës në burgun e Qarkut në Prishtinë.
“Shpresoj që kryeministri disi ta ketë kujtuar mirë atë periudhë, duke pasur parasysh se ato ishin momente dramatike në jetën e tij dhe besoj se Dragishe do t’i kujtojë. Nga ana ime do të përgatis dokumentacion nga ajo kohë që të mos ketë mosmarrëveshje në lidhje me identitetin e të dyshuarit”, tha Vasiq.
Siç thekson ai, Kurti është i obliguar si qytetar të dëshmojë në procedurë penale dhe të jetë dëshmitar.
“Jam absolutisht i sigurt se kryeministri do të jetë i lumtur të shfaqet dhe shpresoj vetëm që kujtimet e tij për atë periudhë të jenë ende të freskëta. Kryeministri nga ana e tij është i detyruar si qytetar të dëshmojë dhe të jetë dëshmitar në procedimin penal. Ai do të dëgjohet si dëshmitar i mbrojtjes”, tha Vasiq.
Dragisha Milenkoviq është arrestuar më 21 qershor në Kishicë, ndërsa një ditë më vonë i është caktuar masa e paraburgimit prej 30 ditësh, ndërsa në ndërkohë paraburgimi është vazhduar edhe për dy muaj.