Ahmet Tahiri avokat i Naser Pajazitajt ka folur në emisionin FRONTAL të T7 pasi Gjykata Supreme e ka liruar klientin e tij nga akuzat për vrasjen e Donjeta Pajazitajt, raporton Gazeta Express.
Tahiri ka thënë se e kupton familjen e Donjeta Pajazitajt, por thotë se është detyrë e tij që të mbrojë klientin e tij. Sipas Tahirit Gjykata Supreme e ka vërtetuar sot që Naser Pajazitaj është mbajtur në burg për shtatë vjet pa asnjë provë.
“Unë Shkëlqimin e kuptoj se e ka humbur motrën. Mirëpo detyra jonë është ta mbrojmë klientin tonë. Ky vendim i Supremes vërtetoi që Naser Pajazitaj është mbajtur në burg për shtatë vjet pa asnjë provë”, ka thënë ai në Frontal.
Tutje sipas avokatit, raporti nga vendi i ngjarjes dhe kamerat për të cilat flet vëllai i Donjeta Pajazitajt kanë vërtetuar që Donjeta Pajazitaj nuk ka qenë në veturën e Naser Pajazitajt.
