Lidhja Demokratike e Kosovës pritet të zyrtarizojë vendimin që Avdullah Hoti të jetë kandidat për kryeministër të Kosovës në zgjedhjet e jashtëzakonshme paralamentare që pritet të mbahen në muajin e parë të vitit 2021.
Hoti aktualisht është kryeministër në detyrë i Kosovës, LDK kishte vendosur që ai të jetë në këtë pozitë pas rrëzimit të Qeverisë Kurti.
Burime brenda takimit të Kryesisë së LDK-së i kanë thënë se Avdullah Hoti do të jetë kandidat i tyre për kryeministër.
Kujtojmë se Qeveria e Kosovës u rrëzua nga vendimi i Gjykatës Kushtetuese, të cilët kanë shpall të pavlefshëm votimin në Kuvendin e Kosovës për zgjedhjen e kësaj qeverie, pasi për këtë qeveri kishte votuar edhe deputeti Etem Arifi, i cili kishte një aktgjykim përfundimtar nga Gjykata e Apelit.
Kushtetuesja ka hedhur poshtë votën e deputetit Etem Arifi dhe ka urdhëruar u.d presidenten Vjosa Osmani, që të shpallë zgjedhjet e parakohshme në afat prej 40 ditësh.
Osmani tashmë ka përfunduar takimet me krerët e partive politike dhe kryetaren e KQZ-së, Valdete Daka, ku është diskutuar për zgjedhje. U.d e presidentes ka bërë të ditur se zgjedhjet do të shpallen sapo aktgjykimi t’u dorëzohet palëve.
