Austria ka mbyllur kufijtë me Hungarinë dhe Sllovakinë, ku siç ka raportuar Bild, kjo për shkak të frikës nga një shpërthim i madh i virusit “Afta Epizootike”, shkruan Gazeta Sinjali.
Afta Epizootike është një sëmundje e kafshëve, ajo mund të përhapet lehtë dhe të preken kafshët që janë të rëndësishme për prodhimin e qumështit, mishit dhe produkteve të tjera.
Nga e shtuna nuk do të mund të kalohet më në 24 vendkalime dhe kjo masë mbrojtëse duhet të zbatohet deri më 20 maj.
Deri më tani, rastet me këtë virus janë rritur në Hungari dhe Sllovaki, atje ku mijëra kafshë tashmë janë therur.
