Kryetari i Kuvendit të Kosovës, Kadri Veseli ka dashur të bëjë një përshëndetje të zakonshme para fillimit të punimeve të seancës plenare, por fjala i ka mbetur në grykë.
Pasi i ka përshëndetur deputetët e pranishëm në sallë, të njëjtën përshëndetje ka dashur ta bëjë edhe për kabinetin e ministrave, por ka ndaluar pasi ka vërejtur se asnjëri prej ministrave nuk ka qenë i pranishëm.
Në mikrofonin e hapur është dëgjuar duke i thënë sekretarit të Kuvendit, Ismet Krasniqi, se “asnjë qeveritar nuk qenka këtu”.
Në fakt, nuk është hera e parë që ministrat mungojnë në seancat plenare.
Ata kanë filluar të mungojnë edhe në mbledhjet e Qeverisë, për çka kanë marrë vërejtje nga kryeministri Ramush Haradinaj.
E sot edhe vet kryeministri nuk është prezent në seancë, duke qenë pjsmarrës në një konferencë për ambientin.
Mungesa e kryeministrit është kritikuar nga deputetët e opozitës.
