Mocioni i partive opozitare nuk mund ta rrëzojë Qeverinë aktuale thotë Sali Aslanaj. Është i bindur se nuk do të ketë zgjedhje të parakohshme parlamentare.
Zyrtari i lartë i Lidhjes Demokratike të Kosovës, Sali Asllanaj, ka shprehur bindje se mocioni i opozitës nuk do të mund ta rrëzojë Qeverinë e drejtuar nga Isa Mustafa.
Ai ka thënë se koalicioni qeverisës mund të rrëzohet vetëm kur të duan PDK’ja dhe LDK’ja.
Në një intervistë për ‘Epokën e Re’, Asllanaj ka hedhur poshtë mundësinë e mbajtjes së zgjedhjeve të parakohshme parlamentare.
Sipas tij, koalicioni qeverisës e ka për obligim dhe duhet t’i përfundojë çështjet madhore që janë në interes të shtetit: ushtria, Demarkacioni me Malin e Zi dhe Asociacioni i Komunave Serbe. Asllanaj ka thënë se këtyre çështjeve madhore nuk do të mund t’u bënin ballë koalicionet e tjera.
Ai ua ka bërë me dije pozitës dhe opozitës t’i marrin seriozisht mesazhet e senatorit John McCain dhe të ministrit të jashtëm gjerman Sigmar Gabriel.
