Asamblisti i Lëvizjes Vetëvendosje në Komunën e Mitrovicës së Jugut, Armend Begu, mes tjerash në përkrahje të qëndrimit të kryeministrit Albin Kurti, e ka quajtur “zagar” ambasadorin e SHBA’së në Kosovë, Jeffrey Hovenier, si dhe ambasadorë të tjerë të shteteve të QUINT-it.
Ai këtë deklarim e ka bërë me anë të një postimi në ‘Facebook’ me disa thënie popullore dhe ka pasuar me “ecim tutje kryeministër”.
““Vendosmëria e përcakton fatin”. “Zagarët lehin, karvani ecë”. “Çudia më e madhe zgjatë tri ditë”. Ecim tutje Kryeministër!”, ka shkruar ai në ‘Facebook’-un e tij.
Ky deklarim i tij erdhi pasi që Kurti pavarësisht kundërshtimeve të shteteve të QUINT-it për hapjen e Urës së Ibrit, përmes një komunikate të Zyrës së Kryeministrit paraqiti qëndrimin pro hapjes së urës. /Insajderi.org/
