Këto kokrra të vogla të kuqe janë të mbushura me më shumë vitaminë C edhe se një portokall! Kjo frutë kaq i vogël, por i fuqishëm, është i pasur me përfitime shëndetësore.
Më poshtë me të gjitha arsyet pse trupi juaj do t’ju falënderojë për shtimin e këtyre frutave në regjimin tuaj ushqimor.
Të pasura me fibra dhe vitaminë C, luleshtrydhet janë të shkëlqyera për reduktimin e stresit oksidativ, i cili shton rrezikun e sëmundjeve të zemrës dhe kancerit.
Plus, janë një burim i mirë i kaliumit, që ndihmon në mbrojtjen kundër sëmundjeve të zemrës, duke ulur presionin e gjakut dhe kolesterolin e keq.
Gjithashtu nivelet e larta të antioksidantit antocianinë te luleshtrydhet, mund të ulin rrezikun e sulmit në zemër.
Mund të ndihmojnë në parandalimin e kancerit
Luleshtrydhet janë renditur si 10 frutat më të mira për sa i përket aftësive antioksiduese.
Antioksidantët luftojnë përbërësit e radikalëve të lira që shkaktojnë probleme kronike shëndetësore dhe çojnë në zhvillimin e kancerit.
Lehtësojnë punën e sistemit tretës
Fibrat luajnë një rol kryesor në shëndetin dhe funksionin e sistemit tretës.
Vetëm një filxhan me luleshtrydhe përmban 3 g fibra, një sasi më se e mjaftueshme për të ndihmuar aparatin tretës të kryejë lehtësisht funksionet e tij.
Reduktojnë fryrjen e barkut
Ushqimet e pasura me fibra dhe ujë, si luleshtrydhet, largojnë nga trupi gazrat që shkaktojnë fryrje.
Gjithashtu luleshtrydhet janë edhe një burim i shkëlqyer i kaliumit. Një lëndë ushqyese që eliminon natriumin i cili shkakton fryrje, e që gjithashtu eliminon edhe ujin e tepërt në organizëm.
Forcojnë imunitetin tuaj
Luleshtrydhet janë një burim i shkëlqyer i vitaminës C. Dhe siç tashmë mund ta dini, ushqimet e pasura me vitaminë C mund të ndihmojnë në forcimin e imunitetit tuaj.
Ato mund t’ju ndihmojnë të humbisni peshë
Prania e lartë e fibrave tek luleshtrydhet, ndihmon në kontrollin e urisë.
Plus ato janë shumë të ulëta në kalori, gjë e cila ndihmon për të rënë nga pesha.
Mund të ndihmojnë në parandalimin e defekteve të lindjes
Nëse jeni shtatzënë, marrja e acidit folik është thelbësore, pasi vitamina mund të ndihmojë në parandalimin e defekteve tek foshnja juaj.
Për gratë që duan të mbeten shtatzënë, luleshtrydhet janë një burim i mirë i folatit, që përmbajnë 10 % të vlerës së rekomanduar ditore.
Sa luleshtrydhe duhet të hani çdo ditë?
Një racion me luleshtrydhe është sa një filxhan i mbushur plot luleshtrydhe të ndara në gjysmë, ose rreth tetë luleshtrydhe të plota.
