Arsenali dëshiron me çdo kusht të rinovojë me sulmuesin e ri brazilian Gabriel Martinelli, i cili ka kontratë deri në vitin 2024 dhe t’i japë fund të gjitha thashethemeve rreth të ardhmes së tij.
Daily Mail raporton se klubi do të jetë shumë afër mbylljes së marrëveshjes me brazilianin dhe për këtë do të jetë në dispozicion të rrisë ndjeshëm pagën javore të tij.
Lojtari do të shkonte nga 80 mijë euro në 230 mijë euro në javë, praktikisht tre herë më shumë se sa fiton aktualisht.
Martinelli, 21 vjeç, është shumë i lumtur në Londër dhe ka informuar agjentin e tij se dëshiron të qëndrojë me Gunners, pavarësisht se ka qenë i lidhur me disa klube të mëdha evropiane.
Sulmuesi ka shënuar 23 gola në 104 ndeshje për Arsenalin.
