Arsenali ka barazuar pa gola në shtëpi me Evertonin në kuadër të javës së 16-të në Ligën Premier.
Pas vetëm gjashtë minutash, mysafirët krijuan raste të artë për gol, por Abdoulaye Doucoure nuk arriti të gjuante saktë me kokë.
Rasti i parë serioz për Gunners u krijua në minutën e 29-të, kur Martin Odegaard nuk ia doli të shënonte nga afërsia.
Gabriel Martinelli (43’) bëri disa driblime të bukura, mirëpo goditja e tij përfundoi jashtë porte.
Edhe Bukayo Saka lëshoi një mundësi të mirë shënimi, kur katër minuta më vonë nuk ia doli të mposhte portierin e Evertonit.
Pjesa e dytë ishte më e zbehtë për nga numri i rasteve, derisa në lojë u inkuadrua edhe Armando Broja në minutën e 66-të për Evertonin.
Sulmuesi shqiptar i huazuar te Toffes nga Chelsea, nuk ia doli të bënte shumë, por që skuadra e tij ia doli të merrte një pikë nga Emnirates.
Pas javës së 16-të, Arsenali është në kuotën e 30 pikëve, ndërsa në xhiron e 17-të takohet me Crystal Palacen.
Standings provided by Sofascore
